İsrail və “Hizbullah” arasında artan münaqişə səbəbindən hava yolları şirkətləri təhlükəsizlik məqsədilə Livana uçuşları dayandırıblar.

“Politico” agentliyinin məlumatına əsasən, onların arasında avqustun 5-dək Beyruta uçuşları dayandıran Almaniyanın “Lufthansa” şirkəti də var. Həmçinin, İsveçrənin Beynəlxalq Hava Yolları və “Eurowings” hava hərəkətini dayandırıb.

Bununla yanaşı, “Turkish Airlines”, “Aegean Airlines”, “Ethiopian Air” və “Middle East Airlines”ın bugünkü reysləri ləğv edilib.

ABŞ Dövlət Departamentinin bəyanatına əsasən, “American Airlines”ın Livana planlaşdırılan reyslərində dəyişikliklər edilir və marşrut yönləndiriləcək.

12 israilli uşağın ölümü ilə nəticələnən raket hücumu nəticəsində İsraillə “Hizbullah” arasında vəziyyət gərginləşib.