Gürcüstanda koronavirusa 687 yeni yoluxma halı qeydə alınıb, 327 pasiyent sağalıb
Gürcüstanda koronavirusa 687 yeni yoluxma halı qeydə alınıb. Bu barədə məlumat hökumətin xüsusi veb-səhifəsində stopcov.ge-də bir az bundan əvvəl yenilənib.
Son 24 saat ərzində ölkədə 327 nəfər sağalıb. Son bir gündə 8 pasiyent dünyasını dəyişib. Son 24 saat ərzində ölkədə 27 713 ədəd test aparılıb, onlardan 17.490-ı antigen sürətli testi, 10.223-ü isə PCR testi olub.
İmmunizasiya üzrə Texniki Məsləhətçilərin Milli Qrupunun rəhbəri İvane Çxaidze üçüncü dalğanın təhlükəsindən danışır və əhalini bir daha tövsiyyələrə əməl etməyə çağırır. Onun sözlərinə görə, növbəti həftələrdə artım tendensiyası qorunub-saxlanılsa, bu yaxınlarda ləğv edilən məhdudiyyətlərin yenidən qüvvəyə minməsi zərurətə çevriləcək.