Döyüşə hazır orduya malik olmaq istənilən ölkənin suveren hüququdur və Ermənistanın müdafiə və təhlükəsizlik sahəsində beynəlxalq səviyyədə tanınmış öz ərazisini müdafiə etməkdən başqa məqsədi yoxdur – bu haqda Ermənistanın Xarici İşlər Nazirliyinin bəyanatında qeyd olunub.

Ermənistanın Xarici İşlər Nazirliyinin bəyanatında, ordu islahatları prosesində Ermənistan Respublikasının beynəlxalq hüquq çərçivəsində hərəkət etdiyi deyilir.

“Sərhəd insidentlərinin və/və ya onlar haqqında məlumatların araşdırılması üçün Ermənistan və Azərbaycan arasında birgə mexanizm yaratmaq məqsədi ilə əlaqədar Ermənistan Respublikasının Baş nazirinin aparatının diplomatik kanallar vasitəsilə və ictimai şəkildə açıqladığı təkliflər Azərbaycan tərəfindən cavabsız qalır.

Belə bir mexanizmin işə salınması istənilən vəziyyətin aydınlaşdırılmasını mümkün edəcək və yalan məlumatın yayılmasının qarşısını almağa imkan verəcək. Eyni zamanda, Ermənistan Respublikasını gərginləşdirici ritorikaya qoşmaq cəhdləri qəbuledilməzdir. Ermənistan hökuməti sülh gündəminə sadiq qalır və bu strategiyadan kənara çıxmayacaq. Həmçinin, xatırladaq ki, Ermənistan Respublikası diplomatik kanallar vasitəsilə və ictimai şəkildə Azərbaycana silahlara nəzarətin ikitərəfli mexanizminin yaradılmasını və müvafiq sazişin imzalanmasını təklif etmişdi, Azərbaycan bunu da cavabsız qoydu. Buna baxmayaraq, bu təklif də qüvvədə qalır” – bəyanatda qeyd olunub.