Ermənistan və Azərbaycan bir-birini Nikol Paşinyanla İlham Əliyev arasında Londonda keçiriləcək görüşü pozmaqda ittiham edir.

Ermənistanın Xarici İşlər Nazirliyinin bəyanatında, Azərbaycan tərəfinə Avropa Siyasi Birliyinin sammiti çərçivəsində Birləşmiş Krallıqda görüş təklif etdikləri deyilir.

“Lakin Azərbaycan tərəfi bu təklifdən imtina etdi. Erməni tərəfinin təklifi qüvvədə qalır” – Xarici İşlər Nazirliyinin bəyanatında deyilir və bəyanatda qeyd olunub ki, Yerevan Azərbaycana eləcə də danışıqları ən yüksək səviyyədə aktivləşdirməyi və sülh sazişi imzalamağı təklif edir.

Eyni zamanda, Azərbaycan Prezidentinin xarici siyasət məsələləri üzrə müşaviri Hikmət Hacıyev, erməni tərəfinin görüşdən imtina etdiyini və Yerevanın qərarının əvvəlki sülh razılaşmalarından kənara çıxmaq olduğunu bildirib. O, görüşün təşəbbüsünün Britaniya tərəfindən irəli sürüldüyünü və Münhen Təhlükəsizlik Konfransı çərçivəsində planlaşdırıldığını deyib.