Seçki məlumatları Venesuela xalqının iradəsini inandırıcı şəkildə göstərir ki, bazar günü keçirilən seçkilərdə demokratik müxalifət namizədi Edmundo Qonzales ən çox səs qazanıb.

Bu barədə ABŞ-ın dövlət katibi Entoni Blinken sosial şəbəkədə yazır.

Onun sözlərinə görə, venesuelalılar səs verib və onların səsləri nəzərə alınmalıdır.

Bununla belə, ABŞ Dövlət Departamentinin yaydığı Blinken bəyanatında ABŞ Edmundo Qonzalesi uğurlu kampaniyasına görə təbrik edir.

Blinkenin sözlərinə görə, indi Venesuela tərəflərinin Venesuela seçki qanunlarına və Venesuela xalqının iradəsinə uyğun olaraq dinc keçid dövrü üçün danışıqlara başlama vaxtıdır.

“Biz Venesuelada demokratik normaların bərpası prosesini tam dəstəkləyirik və beynəlxalq tərəfdaşlarımızla onun gücləndirilməsi yollarını müzakirə etməyə hazırıq”. – bəyanatda deyilir.

Venesuela Mərkəzi Seçki Komissiyası ölkədə etirazlarla müşayiət olunan seçkilərin hazırkı prezidenti Nikolas Maduronu qalib elan edib.