ABŞ-ın keçmiş prezidenti Donald Tramp vitse-prezident Kamala Harrisi Fox News-un təklif etdiyi debatdan imtina etdiyinə görə tənqid edib. Donald Tramp sosial şəbəkəsində dərc etdiyi açıqlamada Harrisin “aşağı IQ” səviyyəsinə malik olduğunu və Trampla mübahisə etmək üçün “zehni qabiliyyəti” olmadığını qeyd edir.

“Kamala Harrisin 4 sentyabrda Pensilvaniyada mənə qarşı real debat üçün zehni qabiliyyəti yoxdur. O, korrupsiyaya və sərhədlərin açılmasına, ölkəmizin ekologiyasının dağıdılmasına, Əfqanıstanın biabırçılığına, inflyasiyaya, dəhşətli iqtisadiyyata, yüksək faizlərə və vergilərə haqq qazandıra bilmədiyi üçün bunu etməkdən qorxur”. – Donald Tramp sosial şəbəkədə yazır.

Keçmiş Amerika prezidentinin sözlərinə görə, o, ya sentyabrın 4-də Harrislə debat keçirəcək, ya da ümumiyyətlə, heç bir debat olmayacaq.

“Kamala Harris tarixin ən pis vitse-prezidenti kimi tanınır və o, ən pis prezident, fırıldaqçı Co Baydenə qarşı çox yaxşı işləyir. Bu iki aşağı IQ insanın birləşməsi ölkəmizi məhv etdi, lakin biz Amerikanı yenidən möhtəşəm etdik”, Tramp əlavə edib.

Məlumat üçün bildirək ki, ABŞ-ın keçmiş prezidenti və prezidentliyə namizəd Donald Tramp “Fox News”un vitse-prezident Kəmalə Harrislə debat təklifinə razılaşsa da, Harris bu təklifdən imtina edib. Bundan əvvəl prezidentliyə namizədlər arasında debatın sentyabrın 10-da ABC telekanalında yayımlanması planlaşdırılırdı, lakin Co Bayden seçkilərdən namizədliyini geri götürdükdən sonra sözügedən debatın keçirilməsi məsələsi aydınlaşmayıb. Harris razılaşır, debat sentyabrın 10-da ABC-də yenidən yayımlanacaq.