Dünənki fikirlərinizə və dualarınıza görə hamınıza təşəkkür edirəm, bizi inanılmaz nəticədən yalnız Allah xilas etdi, ABŞ prezidentliyinə namizəd Donald Tramp deyib.

“Biz qorxmuruq, əksinə, pislik qarşısında imanımızda və fədakarlığımızda möhkəm dayanırıq. Qurbanlara və onların ailələrinə öz sevgimizi bildiririk. Yaralılara şəfa diləyir, şəhid olan vətəndaşın xatirəsini qəlbimizdə saxlayırıq. Bu anda biz həmrəy olmaq və amerikalılar kimi əsl xarakterimizi göstərmək, güclü olmaq və möhkəm dayanmaq və pisliyin qalib gəlməsinə imkan verməmək həmişəkindən daha vacibdir. Mən ölkəmizi həqiqətən sevirəm və hamınızı sevirəm. Mən bu həftə Viskonsin ştatından böyük millətimizlə danışmağı səbirsizliklə gözləyirəm”, – Tramp sosial şəbəkədə yazıb.

Məlumat üçün bildirək ki, ABŞ-ın keçmiş prezidenti Donald Tramp Batler şəhərində tərəfdarları ilə görüş zamanı güllələnib. Nəticədə o, xəsarət alsa da, həyatı üçün təhlükə yoxdur. Atışma zamanı mitinqin bir iştirakçısı həlak olub. Daha iki nəfərin vəziyyəti ağırdır. ABŞ Federal Təhqiqat Xidmətinin məlumatına görə, Pensilvaniyada Donald Trampı öldürməyə cəhd olub. Bundan əlavə, istintaq xidməti Trampa hücumda iştirak edən şəxsin 20 yaşlı Tomas Metyu Kruks olduğunu açıqlayıb. Rəsmilərin sözlərinə görə, o, zərərsizləşdirilib.