Taktiki nüvə silahı ilə planlaşdırılan təlim Fransanın Prezidenti Emmanuel Makronun bəyanatları, eləcə də Britaniya və ABŞ nümayəndələrinin Ukraynaya hərbçi göndərmək niyəti ilə əlaqəlidir-bu haqda Rusiya Prezidentinin mətbuat katibi Dimitri Peskov deyib.

“Əgər məndən söhbətin hansı Qərb təmsilçilərinin hansı bəyanatlarından getdiyini soruşsanız, söhbətin cənab Makron və Britaniya nümayəndələrinin bəyanatlarından getdiyi açıq-aydındır. Onlara ABŞ Senatının nümayəndələri də qoşuldu, onlar, səhv etmirəmsə, Ukraynaya silahlı kontingent göndərmək hazırlığından və hətta niyətindən danışırdılar”- Peskov qeyd edib.

Ukraynaya hərbçilərin göndərilməsi ilə bağlı danışarkən Peskov bildirib: “Bu, gərginliyin eskalasiyasının tamamilə yeni mərhələsidir, görünməmiş bir hadisədir və təbii ki, xüsusi diqqət və tədbirlər tələb edir”.

Rusiyanın Prezidenti taktiki nüvə silahı ilə təlimin keçirilməsi haqda fərman imzalayıb.