Rusiya Macarıstanın Baş naziri Viktor Orbanın münaqişənin həlli ilə bağlı Rusiya və Ukraynanın mövqelərini aydınlaşdırmaq səylərini qiymətləndirir.

“Cənab Orban orijinal mənbələrə əsaslanaraq müxtəlif tərəflərin mövqelərini müqayisə etmək üçün ciddi təşəbbüsü əlinə alır. Biz cənab Orbanın bu səyini qiymətləndiririk. Tərəflər arasında bir sıra fikir ayrılıqları var, lakin yenə də cənab Orban bu fikir ayrılıqlarının mahiyyətini anlamağa çalışır və bu, olduqca təqdirəlayiqdir” – Kremlin sözçüsü Dimitri Peskov bildirib.

Xatırladaq ki, Macarıstanın Baş naziri Viktor Orban əvvəlcə Kiyevə, sonra isə Moskvaya səfər edib. Bu gün isə o, Çinin Prezidenti Si Dzinpinlə görüşüb. O, bu səfəri “sülh missiyası”nın üçüncü mərhələsi adlandırıb. Təşəbbüs nə Avropa Komissiyası, nə də Ukrayna tərəfindən dəstəklənir. Həmçinin, Macarıstanın lideri Vaşinqtona gedəcək və yayılmış məlumata əsasən, NATO sammitində iştirak edəcək. Jurnalistlərin Putinin Orban vasitəsilə ABŞ Prezidenti Co Baydenə və digər NATO liderlərinə mesaj göndərib-göndərmədiyi sualına Peskov “xeyr” cavabını verib.