Rusiya Prezidentinin mətbuat katibi Dimitri Peskov, Co Baydenin prezident seçkilərindən namizədliyini geri çəkmək qərarının onları təəccübləndirmədiyini bildirir.

“Həqiqəti söyləsək, son illər ərzində Amerika Birləşmiş Ştatlarında cari hadisələr bizə təəccüblənməməyimizi öyrətdi. Bu səbəbdən çox da təəccüblənmədik. Əlbətdə, orada inkişaf edən hadisələri diqqətlə izləyirik, lakin bizim üçün ən mühümü xüsusi hərbi əməliyyat və hədəflərimizdir” – Dimitri Peskov deyib.

Peskova eləcə də vitse-prezident və prezidentliyə mümkün namizəd Kamala Harrislə bağlı sual ünvanlanıb, Peskov bu suala cavabında qeyd edib:

“Bu vaxt üçün xanım Harrisin potensial namizədliyini ikitərəfli münasibətlərimizin perspektivindən qiymətləndirə bilmərik, çünki indiyədək onun ikitərəfli münasibətlərə hər hansı töhfə verdiyini müşahidə etməmişik. Ölkəmizə qarşı kifayət qədər qeyri-dost ritorika ilə dolu bəyanatlar var idi”.

Co Bayden 2024-cü ilin prezident seçkilərindən namizədliyini geri çəkdi və Demokratların namizədi kimi vitse-prezident Kamala Harrisin namizədliyini dəstəklədiyini bildirdi.

Bununla yanaşı, ABŞ prezidentliyinə namizəd Donald Tramp bu haqda qeyd etdi ki, “Kamala Harrisi məğlub etmək Baydendən daha asan olacaq”.