Zaqrebdə keçirilən cari Avropa çempionatında Tato Qriqalaşvili (81 kq) qızıl medalın sahibi olub.
Hazırkı dünya çempionu finalda hollandiyalı Frank de Viti ipponla məğlub edib və karyerasında üçüncü dəfə Avropa çempionu olub.
Bir qədər əvvəl Laşa Şavdatuaşvili (73 kq) bürünc medal qazanıb. Olimpiya, dünya və Avropa çempionu üçüncü yer uğrunda mübarizədə əlavə vaxtda moldovalı Adil Osmanovu məğlub edib.
Bu gün daha 4 gürcü cüdoçu güləşib. Qiorqi Çixelidze (73 kq), Eter Askilaşvili (63 kq), Mariam Çanturiya və Nino Qulbani (hər ikisi – 70 kq) erkən mərhələdə turnirdən kənarlaşdırılıb.
Gürcüstanın birinci kanalı Avropa çempionatının final blokundan canlı televiziya reportajlarını təqdim edir.
Xatırladırıq ki, dünən, aprelin 25-də Vaja Marqvelaşvili (66 kq) qızıl, Eter Lipartelyan (57 kq) isə bürünc medala sahib olub.