Avropa İttifaqının Xarici İşlər və Təhlükəsizlik üzrə Ali Nümayəndəsi Cozef Borrell Avropa İttifaqının xarici işlər və müdafiə nazirlərinin gələcək görüşlərinin Macarıstanın paytaxtı Budapeştdə deyil, Brüsseldə keçiriləcəyini və buna səbəb kimi Macarıstanın Ukrayna ilə bağlı mövqeyi olduğunu bildirir.

Brüsseldə keçirilən nazirlər görüşündən sonra mediayla müsahibəsində Borrell bu qərarın nazirlərin əksəriyyətinin Macarıstanla bağlı eyni mövqeyi ifadə etdikdən sonra verdiyini bildirib.

Xatırladaq ki, Macarıstan iyulun 1-dən Avropa İttifaqı Şurasının prezident ölkəsidir. Avropa İttifaqına üzv olan ölkələrin narazılığına Macarıstanın baş naziri Viktor Orbanın Avropa İttifaqı ilə razılaşdırılmayan Moskva səfəri səbəb olub.

“Mən öyrəndim ki, simvolik bir siqnal olsa belə, Avropa İttifaqı siyasətinə qarşı çıxmaq və Avropa İttifaqı siyasətinin müharibə partiyası kimi diskvalifikasiya etməkdən sonra müəyyən reaksiya verilməlidir” – deyə Borrell bildirib.

Avropa İttifaqının Ali Nümayəndəsi bunun boykot olmadığını izah edib.

“Mən boykot sözünü rədd edirəm. Qeyri-rəsmi görüş keçiriləcək və Macarıstan orada oturacaq”, – Borrell bildirib.