Bu gün NATO həmişəkindən daha güclüdür. – Bunu ABŞ prezidenti Co Bayden Vaşinqtonda NATO sammitinin açılışındakı çıxışında bildirib.

Baydenin qeyd etdiyi kimi, NATO-nun xarakteri prinsipial olaraq demokratikdir və həmişə belə olacaqdır.

“Amerikalıların böyük əksəriyyəti NATO-nun hamımızı daha təhlükəsiz etdiyini başa düşür. Amerika xalqı başa düşür ki, əgər NATO olmasaydı, nə baş verərdi. Tarixin bu məqamı bizim kollektiv gücümüzü tələb edir. Putin Ukraynanı tamamilə özünə tabe etmək istəyir, o, Ukrayna demokratiyasına son qoymaq, Ukrayna mədəniyyətini məhv etmək və Ukraynanı xəritədən silmək istəyir. Putin Ukraynada dayanmayacaq. Səhv etməyin, Ukrayna edə bilər və Ukrayna Putini dayandıracaq”, – Bayden bildirib.

Baydenin sözlərinə görə, ABŞ və daha dörd ölkə – Almaniya, Hollandiya, Rumıniya və İtaliya bir neçə ay ərzində Ukraynanı “əlavə taktiki hava hücumundan müdafiə sistemləri” ilə təmin edəcək.