Bunu Co Bayden bildirir ki, HƏMAS lideri İsmayıl Haniyənin öldürülməsi Qəzzada atəşkəs razılaşmasına kömək etmir

13:00, 02.08.2024

ABŞ prezidenti Co Bayden deyir ki, HƏMAS qruplaşmasının lideri İsmayıl Haniyənin öldürülməsi Qəzzada atəşkəs razılaşmasının əldə olunmasına kömək etmir. Bayden bunu Endryu bazasında media ilə danışarkən açıqlayıb.

Bir müxbirin Haniyənin öldürülməsinin atəşkəs razılaşmasına nail olmaq şansını məhv edib-etməməsi ilə bağlı sualına Bayden “bu, kömək etmir” cavabını verib.

Baydenin sözlərinə görə, o, İsrailin baş naziri Benyamin Netanyahu ilə danışıb.

“Mən bu məsələdən çox narahatam. Bu gün baş nazirlə birbaşa görüşüm oldu və o, bunu çox açıq şəkildə bildirdi. Bizim atəşkəs üçün əsaslarımız var. Onlar irəli getməli və bunu indi etməlidirlər”, – Bayden bildirib.

Müəllif - Emil Aliyev

Dünya