Suriya prezidenti Bəşər Əsəd Türkiyə prezidenti Rəcəb Tayyib Ərdoğanla yalnız bu görüşdə əsas məsələlər müzakirə edilərsə görüşəcək. Bu barədə Suriya prezidenti bildirib. Məlumatı “Reuters” agentliyi yayır.

Əsəd hər iki ölkənin “Ankara tərəfindən terrora dəstəyi” və türk qüvvələrinin Suriya ərazisindən çıxarılmasına diqqət yetirəcəyi təqdirdə Ərdoğanla görüşəcəyini söyləyir.

“Problem görüşdə deyil, onun məzmunundadır. Görüşün məqsədi nədir? Bu, problemin əsas səbəbləri olan terrora dəstək və türk qüvvələrinin Suriyadan çıxarılmasına son qoyacaqmı? Problemin mahiyyəti budur. Əgər əsas problemin müzakirəsi olmayacaqsa, onda belə bir görüşün nə mənası olacaq?”, – Əsəd bildirib.

Suriya prezidentinin söylədiyinə görə, o, ikitərəfli münasibətlərin yaxşılaşdırılmasına yönəlmiş istənilən təşəbbüsə müsbət cavab verəcək, lakin onun söylədiyinə görə, ilk növbədə belə danışıqlar üçün zəmin yaradılmalıdır.