Xviça Kvaratsxelia Seria A mövsümünün rəmzi komandasına salınıb – İtaliya çempionatının seçilən futbolçuları “Sofascore” analitik futbol portalı tərəfindən seçilib.

“Sofascore” başa çatan mövsümdə Gürcüstan millisinin və “Napoli”nin liderinin oyununu 7,48 xalla qiymətləndirib. Xviça 4-4-2 sistemi ilə seçilmiş ən yaxşı “11-liy”ə hücumda Lautaro Martineslə birlikdə salınıb.

Qeyd etmək lazımdır ki, 23 yaşlı gürcü hücumçu ilin ən yaxşı oyunçuları üçlüyündə yer alıb – Seria A-da ondan daha yaxşı qiymətləndirməni yalnız çempion “İnter”in liderləri Hakan Çalanoğlu (7,68) və Lautaro Martines (7,50) qazanıb.

Qeyd etmək lazımdır ki, Seria A-nın əvvəlki mövsümünün ən yaxşı futbolçusu kimi tanınan Kvaratsxelia ardıcıl ikinci dəfə mövsümün rəmzi komandasına salınıb.