Biz heç kəsdən tabe olmağı tələb etmirik, qanun hamını şəffaflığa hörmət etməyə çağırır -bu haqda parlamentin Hüquq Məsələləri Komitəsinin sədri Anri Oxanaşvili Gürcüstanın Birinci Kanalına açıqlayıb.

Oxanaşvili qeyri-hökumət təşkilatlarının “Biz rus qanununa tabe olmayacağıq” deyə qeyd etdikləri birgə bəyanatına belə cavab verib.

Oxanaşvilinin qiymətləndirməsinə əsasən, bu insanlar demokratiya adı altında şəffaflığa qarşı itaətsizlik elan edirlər.

“Ölkədə demokratik prinsiplərin təşviqi üçün çalışdığını, Avro-Atlantik istəyin vacib olduğunu, ancaq şəffaflıq kimi Avropa dəyərinə qarşı itaətsizlik elan etdiyini söyləmək ağlabatan deyin. Üstəlik onsuz da şəffaf olduqlarını demələri fonunda. O zaman maliyyə bəyannaməsinin təqdim edilməsinin damğalama olduğunu necə deyə bilərlər? Bu insanlar demokratiya adı altında şəffaflığın problem olduğunu və demokratiya adı altında şəffaflığa qarşı itaətsizlik elan etdiklərini deyirlər.
Bu, demokratik dəyərlərə xidmət etdiklərini söyləyən, lakin şəffaflığa sabotaj elan edən təşkilatlar üçün məyusedici səhifədir” – Anri Oxanaşvili deyib.