Afinada yüksək temperatur səbəbindən Akropol ziyarətçilər üçün bağlandı
Yunanıstanın paytaxtı Afinada yüksək temperatur səbəbindən Akropol ziyarətçilər üçün bağlandı, – bu barədə “Reuters” agentliyi yazır.
Ərazidə könüllülər, eləcə də “Qırmızı Xaç”ın əməkdaşları ziyarətçilərə su paylayırdılar, ilkin tibbi yardım işçiləri də göndərilib.
Yunanıstanın Meteorologiya Xidməti yüksək hava temperaturunun qeyri-iş günlərində də davam edəcəyini bildirdi.
Yunanıstanda keçən ay məktəblər və turistik yerlər bağlandı, açıq hava altında işləyən insanlar üçün iş saatlarını azaltdılar.