ABŞ Ukraynaya 2 milyard dollarlıq hərbi yardımın yeni paketini verəcək-bu barədə ABŞ Müdafiə Katibliyi məlumat yayıb.

ABŞ-ın yeni hərbi yardım paketinə Patriot hava hücumundan müdafiə sistemləri, 105 mm və 203 mm artilleriya mərmiləri və pilotsuz uçuş sistemləri üçün əlavə sursat daxildir.

“Birləşmiş Ştatlar Ukraynanın döyüş meydanındakı təcili ehtiyaclarının və uzunmüddətli təhlükəsizlik ehtiyaclarının qarşılanmasını təmin etmək üçün müttəfiqlər və tərəfdaşlar ilə işləməyə davam edəcək” –  Pentaqonun bəyanatında deyilir.

ABŞ Müdafiə Katibliyinin rəsmi məlumatına görə, Rusiya tərəfindən müharibə başlayandan bəri ABŞ-ın Ukraynaya hərbi yardımının ümumi həcmi 39,7 milyard dollardan çoxdur.

Amerika Birləşmiş Ştatlarının Prezidenti Co Bayden bildirib ki, ABŞ-ın Ukraynaya dəstəyi gələcəkdə də davam edəcək.