ABŞ Məxfi Xidmətinin direktoru, Kimberli Çitl istefa verib. O, istefa ərizəsini artıq yazıb.
Kimberli Çitl iyulun 13-də sabiq prezident və hazırda prezidentliyə namizəd Donald Trampa hücuma görə vəzifəsini tərk edir.
Kimberli Çitl iyulun 22-də Konqresin Nəzarət Komitəsində dinləmələrə çağırılmışdı. Açılış nitqində Kimberli Çitl, Məxfi Xidmətin iyulun 13-də uğursuzluq yaşadığını və bütün məsuliyyəti öz üzərinə götürdüyünü, lakin istefa verməkdən imtina etdiyini qeyd etdi. Konqresmenlər tərəfindən Kimberli Çitlin istefa verməsiylə bağlı çağırışlar oldu.
Xatırladaq ki, iyulun 13-də ABŞ-ın sabiq prezidenti Donald Trampa Batler şəhərində tərəfdarları ilə görüş zamanı atəş açıblar. Nəticədə Tramp yaralanıb, lakin onun həyatı üçün təhlükə yoxdur. Donald Tramp qulaq nahiyəsindən xəsarət alıb.