“Ailə dəyərləri və yetkinlik yaşına çatmayanların müdafiəsi haqqında” qanunvericilik dəyişiklikləri çərçivəsində əsas qanunda, eləcə də Əmək Məcəlləsində 17 May ailə müqəddəsliyi və valideynlərə hörmət günü olaraq təyin ediləcək-bu haqda Gürcüstan Parlamentinin sədri jurnalistlərə açıqlayıb.

“Parlament çoxluğu bu gün bir əsas qanun layihəsindən – “Ailə dəyərləri və yetkinlik yaşına çatmayanların müdafiəsi haqqında” və müxtəlif qanunlara, Mülki Məcəllə, Əmək Məcəlləsi və təhsil haqqında qanunvericiliyə dəyişikliklərin daxil ediləcəyi 18 əlaqəli qanun layihəsindən ibarət “Ailə dəyərləri və yetkinlik yaşına çatmayanların müdafiəsi haqqında” qanunlar paketinin təşəbbüsünü irəli sürəcək.

19 qanun vasitəsilə tənzimlənəcək səkkiz məsələ var. Konkret olaraq, əsas qanunda, eləcə də Əmək Məcəlləsində əsas məsələlərdən biri 10 ildir qeyd olunduğu kimi 17 Mayın ailə müqəddəsliyi və valideynlərə hörmət günü olaraq təyin edilməsi və qeyri-iş günü elan edilməsidir.

Cari yaz sessiyası ərzində biz bu qanun layihəsini birinci oxunuşda müzakirə edərək, birinci oxunuşda qəbul edəcəyik. Payız sessiyasında isə bu paket ikinci və üçüncü oxunuşda qəbul ediləcək. Müzakirənin bir hissəsi, iştirakçısı olmaq istəyən hər kəs üçün kifayət qədər vaxt var. Bir halı da vurğulamaq istərdim ki, ümumxalq müzakirəsi prosesində vətəndaşlar tərəfindən şahidi olduğumuz tam dəstək, eləcə də mayın 17-də keçirilən genişmiqyaslı aksiya, faktiki olaraq, bu qanunun dəstəklənməsi üçün ümumxalq referendumu idi. Bundan irəli gələrək, Gürcüstan əhalisinin əksəriyyətinin iradəsini yerinə yetirmək parlamentin vəzifəsidir” – Şalva Papuaşvili açıqlayıb.