Թենգիզ Միկոյանցի «Թբիլիսյան աշնան գույներ» խորագիրով անհատական ցուցահանդես
15:00, 16.10.2023
Նախօրեին Թբիլիսիում կայացավ Վրաստանի և Հայաստանի նկարիչների միության անդամ, վիրահայ հայտնի գեղանկարիչ Թենգիզ Միկոյանցի անհատական ցուցահանդեսը: «Թբիլիսյան աշնան գույներ» խորագիրը կրող ցուցահանդեսն իր շուրջ էր հավաքել տանյակ արվեստասերներին և հյուրերին: Ներկայացված մոտ վաթսուն աշխատանքներում՝ գեղանկարչին բնորոշ ձեռագրով, տեսանելի են դառնում Թբիլիսիի հին, կոլորիտային թաղամասերը, յուրահատուկ պատշգամները, մոռացված հատվածներն ու իտալական բակերը, որոնք լավագույնս արտահայտում են հին քաղաքի հին կյանքը՝ հատուկ գույներով ու բնավորությամբ: