Հոկտեմբերի 5-ին և 6-ին նշվեց վրաստանի մայրաքաղաքի տոնը «Թբիլիսոբա 2024»
Անցնող հանգստյան օրերին նշվեց Թբիլիսիի տոնը՝ Թբիլիսոբան: Վրաստանի մայրաքաղաքի 3 վայրերում՝ Ռիկեի այգում, Օրբելիանիների հրապարակում և Աբանոթուբանիում անցկացվեցին տարատեսակ միջոցառումներ՝ համերգներ, ֆիլմերի ու մուլտֆիլմերի ցուցադրություններ, խոհարարական և գինու փառատոններ, ինչպես նաև Թբիլիսիի ամենահին թաղամասերից մեկում՝ Աբանոթուբանիում, ներկայացվեց տարբեր ազգերի տաղավարներ: Հայկական տաղավարում տեղ էին գտել ազգային զարդանախշերով ձեռագործ աշխատանքներ, հուշանվերներ, հայկական արտադրության մի շարք ապրանքներ: