Դոնալդ Թրամփ. Վենեսուելայի փառապանծ ժողովրդին պատուհասած երկու երկրաշարժերն իրենց մասշտաբներով հսկայական են, ես հանձնարարել եմ մեր կառավարության բոլոր գերատեսչություններին պատրաստվել արագ գործողությունների
Վենեսուելայի փառապանծ ժողովրդին վերջերս պատուհասած երկու ուժգին երկրաշարժերն իրենց մասշտաբներով հսկայական են և աղետալի թվով զոհերի պատճառ են դարձել. այս մասին սոցիալական ցանցում գրել է ԱՄՆ նախագահ Դոնալդ Թրամփը։
Դոնալդ Թրամփի խոսքով՝ ԱՄՆ-ն պատրաստ է, ինչպես նաև ցանկություն և հնարավորություն ունի օգնելու Վենեսուելային։
«Ես հանձնարարել եմ մեր կառավարության բոլոր գերատեսչություններին պատրաստվել արագ գործողությունների։ Մենք կանգնելու ենք մեր նոր և մեծագույն ընկերների կողքին։ Նախնական տեղեկությունները հուսադրող չեն»,- գրում է Թրամփը։
Վենեսուելայում երկու ուժգին երկրաշարժերն ու հետցնցումները ավերածությունների են հանգեցրել. նախնական տվյալներով՝ զոհվել է առնվազն 32 մարդ, իսկ 700-ը՝ վիրավորվել։