Զուրաբ Ջափարիձեն համարում է, որ արժե քննարկել քաղաքապետի թեկնածուի վերաբերյալ Մամուկա Խազարաձեի նախաձեռնությունը
«Գիրչին՝ հանուն ավելի ազատության» առաջնորդ Զուրաբ Ջափարիձեի կարծիքով, քաղաքապետի թեկնածուի հետ կապված Մամուկա Խազարաձեի նախաձեռնությունը արժե դիտարկել:
Ինչ վերաբերում է Խազարաձեի հայտարարության այն հատվածին, թե Թբիլիսիի քաղաքապետը պետք է տնտես մարդ լինի, այլ ոչ թե որևէ կուսակցության ներկայացուցիչ, Ջափարիձեն ասաց, որ դժվար է գտնել նման անձի, բայց եթե հնարավորություն կա, ապա այդ գաղափարը հարկ է դիտարկել:
«Եթե այս հարցի շուրջ լինեն խորհրդակցություններ, կարծում եմ, որ արժե քննարկել այս նախաձեռնությունը: Մենք որոշում չենք կայացրել, բայց «Գիրչիի» ներսում այնպիսի մթնոլորտ է, որ «Գիրչին» պետք է ունենա իր քարոզարշավը:
Դժվար է պատկերացնել այդպիսի մարդ գտնել, բայց եթե հնարավորություն կա, ապա արժե քննարկել այս գաղափարը, որը հնչեցրել է Մամուկա Խազարաձեն: Գուցե ինչ-որ մեկին պատկերացնում է, ես ոչ մեկին չեմ կարող հիշել: Եթե Մամուկան ինչ-որ մեկին ճանաչում է, ինչն է խանգարում քննարկել», – ասաց Զուրաբ Ջափարիձեն:
«Լելոն՝ Վրաստանի համար» առաջնորդ Մամուկա Խազարաձեի հայտարարությամբ, տեղական ընտրություններում ընտրողներին պետք է ցույց տրվի, թե ինչպես կարող են Թբիլիսիի օրինակով ունենալ կոալիցիոն կառավարություն: Ըստ Մամուկա Խազարաձեի, այս ամենի համար ընդդիմադիր կուսակցությունների ղեկավարները պետք է հրաժարվեն քաղաքապետի պաշտոնում առաջադրվելուց: Բացի այդ, Մամուկա Խազարաձեն նշում է, որ Թբիլիսիի քաղաքապետը պետք է տնտես մարդ լինի, այլ ոչ թե որեւէ կուսակցության ներկայացուցիչ: