Վրաստանի առողջապահության նախարար Զուրաբ Ազարաշվիլիի խոսքով՝ ամբողջ աշխարհում, այդ թվում՝ Վրաստանում, զգալիորեն բարելավվել են բոլոր ցուցանիշները, ինչը պայմանավորում է համաճարակաբանական իրավիճակը։

Ուստի Ազարաշվիլին հույս ունի, որ Առողջապահության համաշխարհային կազմակերպությունը շուտով կհայտարարի համաճարակը ավարտված։

«Ես մի քանի շաբաթ առաջ ասացի, որ դա շատ շուտով կլինի։ Հուսով եմ, որ Առողջապահության համաշխարհային կազմակերպությունը նույնպես շատ շուտով կհայտարարի համաճարակի ավարտի մասին, ինչպես տարիներ առաջ հայտարարեց համաճարակի սկիզբը։ Մինչ օրս մենք զգալիորեն բարելավել ենք բոլոր այն պարամետրերն ու չափանիշները, որոնք օգտագործվում են երկրում համաճարակի չափման համար։ Հոսպիտալացման մակարդակը հասցված է նվազագույնի: Կա նաև վարակի հայտնաբերման բավականին նվազեցված ցուցանիշ: Կարծում եմ, որ այս միտմամբ, ավարտը չպետք է հեռու լինի»,- ասել է Զուրաբ Ազարաշվիլին։

Միևնույն ժամանակ, Զուրաբ Ազարաշվիլիին հարցրել են, թե համաճարակային էապես բարելավված իրավիճակը հաշվի առնելով՝ դիտարկվո՞ւմ է արդյոք փակ տարածքներում շնչադիմակի օգտագործման պարտավորության վերացման հարցը։

Հարցին ի պատասխան՝ առողջապահության նախարարը նշեց, որ այս առումով այլ երկրների միտումները դիտարկվում են, և սահմանափակումների վերացումը դեռևս չի դիտարկվում։