Զուրաբ Ազարաշվիլին հանդիպել է Աշխատանքի միջազգային կազմակերպության տարածաշրջանային տնօրենի հետ
Օկուպացված տարածքներից հարկադիր վերաբնակների, աշխատանքի, առողջապահության և սոցիալական պաշտպանության նախարար Զուրաբ Ազարաշվիլին հանդիպել է Աշխատանքի միջազգային կազմակերպության Եվրոպայի և Կենտրոնական Ասիայի տարածաշրջանային գրասենյակի տնօրեն Բեատ Անդրեի հետ։
Առողջապահության նախարարության փոխանցմամբ, Զուրաբ Ազարաշվիլին Աշխատանքի միջազգային կազմակերպության (ILO) ներկայացուցիչներին տեղեկացրել է երկրում աշխատանքի անվտանգության և իրավունքների ոլորտում առկա իրավիճակի մասին։
«Խոսվել է արժանապատիվ աշխատանքային միջավայրի ապահովման, Աշխատանքի տեսչական ծառայության կառուցվածքային եւ ինստիտուցիոնալ զարգացման եւ աշխատանքի անվտանգության հետ կապված արդի խնդիրների մասին։
Աշխատանքի միջազգային կազմակերպության ներկայացուցիչները դրական են գնահատել գերատեսչության ձեռնարկած քայլերը և պատրաստակամություն հայտնել հետագա համագործակցության համար։
Հանդիպմանը ներկա է եղել նաև Աշխատանքի միջազգային կազմակերպության (ILO) խորհրդատու Էկատերինե Քարչխաձեն»,- նշվում է գերատեսչության տեղեկատվության մեջ։