Վրաստանի առողջապահության նախարար Զուրաբ Ազարաշվիլիի խոսքով՝ առողջապահական համակարգը լիովին մոբիլիզացված է՝ վարակակիրերին համարժեք բուժում ցուցաբերելու համար՝ Օմիկրոնի դեպքերի զգալի աճի դեպքում։

Նրա խոսքով, իրենք պատվիրել են, և մի քանի շաբաթից երկիրը լրացուցիչ կստանա «Pfizer» և «Merck» դեղամիջոցները, որոնք, ըստ նախարարի, բավականին արդյունավետ են վարակակիրերի բուժման համար։

«Կարելի է ասել, որ «Օմիկրոնի» դեպքերի էական աճի դեպքում առողջապահական համակարգը լիովին մոբիլիզացված է։ Նա պատրաստ է դիմակայել ցանկացած մարտահրավերի։ Մենք տեղում դեղորայք ունենք՝ այդպիսով տարբեր փուլերում վարակակիրերին բուժելու համար։ Մենք նաև պատվիրել ենք և մի քանի շաբաթից կունենանք լրացուցիչ «Pfizer» և «Merck» դեղամիջոցներ, որոնք բավականին արդյունավետ են»,- ասել է Զուրաբ Ազարաշվիլին։

Նա նաև նշել է, որ առողջապահության նախարարության շարժական խմբերը մշտադիտարկում են իրականացնում հիվանդանոցներում։

«Այսօրվանից Առողջապահության նախարարության անձնակազմով համալրված շարժական խմբերը տեղում վերահսկում են հիվանդանոցները՝ վարակի վերահսկման, ինչպես նաև վերակենդանացման և վարակակիրերին բուժման առումով։ Անհրաժեշտության դեպքում մեր քաղաքացիները կկարողանան հանգիստ և անվտանգ բուժվել հիվանդանոցում»,- ասել է Ազարաշվիլին։