Թբիլիսիում՝ Թվալճրելիձեի փողոցում, մեկնարկել է 2400 բնակարանի շինարարությունը՝ տեղահանված ընտանիքներին տեղավորելու նպատակով։ Շինարարության կապակցությամբ կայացել է պարկուճ դնելու արարողություն։

Վրաստանի վարչապետ Իրակլի Ղարիբաշվիլին, օկուպացված տարածքներից հարկադիր վերաբնակների, աշխատանքի, առողջապահության և սոցիալական պաշտպանության նախարար Զուրաբ Ազարաշվիլին և «Անագի» նախագիծն իրականացնող ընկերության գլխավոր տնօրեն Իրակլի Գոգոլիշվիլին խորհրդանշական պարկուճ են տեղադրել շենքի հիմքում։

Ինչպես նշել է Զուրաբ Ազարաշվիլին, փողոցում ընդհանուր առմամբ կառուցվում է ժամանակակից ստանդարտների 11 շենք, իսկ 2025 թվականի վերջին ներքին տեղահանված ընտանիքներին կհանձնվեն ամբողջությամբ վերանորոգված բնակարանները։ Նրա խոսքով, շինարարության բյուջեն կազմում է ավելի քան 243 մլն լարի։

«Սա այն խոստման մի մասն է, որը մեր իշխանությունը տվել է անցյալ տարի տեղահանված բնակչությանը, և 13 000 տեղահանված ընտանիքների, որոնք այսօր ժամանակավորապես ապրում են ամենադժվար և անտանելի պայմաններում, բնակարան կտրամադրվեն։ Առաջիկա երկու տարում նրանց լիովին կբավարարենք»,- ասել է Զուրաբ Ազարաշվիլին։

Վրաստանի վարչապետի նախաձեռնությամբ մեկնարկել է տեղահանվածների վերաբնակեցման աննախադեպ լայնածավալ ծրագիր։ Մինչև 2025 թվականի վերջ նոր բնակարաններ կտրամադրվեն 13 000 տեղահանված ընտանիքի: Մինչև 7000 ընտանիք բնակարան կստանա նորակառույց շենքերում, իսկ 6000 ընտանիք կտեղավորվի գյուղական բնակավայրերում:

Տեղեկությունը տարածում են Վրաստանի օկուպացված տարածքներից հարկադիր վերաբնակների, աշխատանքի, առողջապահության և սոցիալական պաշտպանության նախարարությունը։