Զուգդիդիի քաղաքապետարանի խորհրդի «Ազգային շարժում» խմբակցության պատգամավորները կուսակցության նախագահի պաշտոնում սատարում են Նիկա Մելիային։ Այս մասին այսօր կայացած ճեպազրույցում հայտարարեցին խմբակցության ներկայացուցիչները։

Ինչպես ճեպազրույցում հայտարարեցին «Ազգային շարժում» խմբակցության անդամները, այլ թեկնածուի հաղթանակի դեպքում չեն պատրաստվում ցրվել, քանի դեռ օրենսդրությունում ինչ-որ բան չի փոխվել։

Նրանց գնահատմամբ՝ այն գործընթացները, որ այժմ տեղի են ունենում կուսակցությունում, հաճելի չեն, թեև ցանկանում են ամրագրել իրենց դիրքորոշումը։ «Ազգային շարժում» խմբակցությունն ասում է, որ այժմ առաջնայինը Վրաստանի նախկին նախագահ Միխեիլ Սաակաշվիլիի կյանքի պահպանումն է և արևմտյան ճանապարհը։

Բացի այդ, խմբակցության անդամները մեկնաբանել են «Ազգային շարժման» նախագահի թեկնածու Լևան Խաբեիշվիլիի հայտարարությունը, թե «Նիկա Մելիան մարզերում զանգահարում է սակրեբուլոյի անդամներին և խնդրում, որ իրեն սատարող ճեպազրույցներ անցկացնեն»: Ըստ Զուգդիդիի քաղաքային խորհրդի ընդդիմադիր պատգամավորների, «Մելիան ժամանակ չունի նման հարցերի համար»։

Ինչ վերաբերում է Վանո Մերաբիշվիլիի նախընտրական գործընթացներին ներգրավվելուն, ապա խմբակցության անդամները պնդում են, որ Մերաբիշվիլին իրենց հետ կապ չունի։