«Ռազմավարություն Աղմաշենեբելի»-ի առաջնորդներից մեկը՝ Պաատա Մանջգալաձեն հայտարարում է, որ կուսակցությունը մասնակցելու է խորհրդարանում կայանալիք հանդիպմանը՝ Ժողովրդական պաշտպանի թեկնածուի ընտրության ընթացակարգի վերաբերյալ։

Ինչպես ասել է Մանջգալաձեն, ընտրության ընթացակարգը շատ լավ պրակտիկա է, երբ կառավարությունը չի միջամտում, և թեկնածուին առաջադրում են մարդու իրավունքների պաշտպանության ոլորտում աշխատող հասարակական կազմակերպությունները։ Նրա խոսքով, եթե «Վրացական երազանքը» վերանայում կատարի, իրենք խիստ արձագանք կունենան:

«Ժողովրդական պաշտպանի կապակցությամբ մենք քննարկել ենք ընդդիմության աշխատանքային ձևաչափով, պայմանավորվել հասարակական կազմակերպությունների հետ։ Կառավարությունն էլ ասում է, որ իրենց շատ փոփոխություններ պետք չեն, և այսօր ոչ թե աշխատանքային ձևաչափ են ունենալու, այլ ընդամենը հանդիպում ու շփում։ Մեզ համար կարևոր է, թե ինչ է մտածում «Վրացական երազանքը» այս հարցի շուրջ, որպեսզի որոշենք վերջնական դիրքորոշումը։

Կարծում ենք, որ մինչ այժմ գոյություն ունեցող կանոնը, ըստ որի ընտրվել են նախորդ երկու Ժողովրդական պաշտպանները, ճիշտ ընթացակարգ է, և այն փոխելը կլինի առաջարկությունների խախտում։ Ուստի մենք կլսենք «Վրացական երազանքի» դիրքորոշումը և կասենք մերը: «Ռազմավարություն Աղմաշենեբելի»-ի դիրքորոշումն այն է, որ քանի որ սա աշխատանքային ձևաչափ չէ և ընդամենը հանդիպում է, ես պետք է գամ, թեև պատրաստվում ենք խորհրդակցել գործընկերների հետ, բայց չեմ կարծում, որ այս դիրքորոշումը կփոխվի մինչև երկու ժամ հետո։

Ինչ վերաբերում է ընտրության ընթացակարգին, ապա դա շատ լավ պրակտիկա է, երբ կառավարությունը չի միջամտում, և թեկնածուին առաջադրում են մարդու իրավունքների պաշտպանության ոլորտում աշխատող հասարակական կազմակերպությունները։ Մենք չենք պատրաստվում վերանայել այն, եթե «Վրացական երազանքը» վերանայի, մենք խիստ պատասխան կունենանք»,- ասել է Պաատա Մանջգալաձեն։