Ժնեւի միջազգային բանակցությունների համանախագահները հայտարարություն են տարածել բանակցությունների 54-րդ փուլի վերաբերյալ:

ԵԱՀԿ կայքէջում հրապարակված հայտարարության մեջ ասվում է, որ Ժնևի միջազգային բանակցությունները հակամարտության հետևանքների քննարկման հիմնական ձևաչափն են, ինչպես նախատեսված է 2008 թվականի հրադադարի վեց կետից բաղկացած պայմանագրում:

Ըստ բանակցությունների համանախագահների, հանդիպման ընթացքում կրկին քննարկվել են «անվտանգության համապարփակ հումանիտար չափի» տարրերը, որի ընթացքում մասնակիցները մտքեր են փոխանակել հակամարտությունից տուժած մարդկանց վախերի, ցանկությունների և արժանապատվության վերաբերյալ:

Մասնակիցների հանդիպումը տեղի ունեցավ Ժնևի միջազգային բանակցությունների երկու աշխատանքային խմբերի շրջանակներում, որոնք կենտրոնացած էին անվտանգության և հումանիտար հարցերի վրա: Տեղում անվտանգության ընդհանուր իրավիճակը գնահատվել է համեմատաբար կայուն, չնայած մասնակիցները կենտրոնացել են մի շարք չլուծված հարցերի վրա, այդ թվում՝ ընթացիկ ձերբակալությունների, անհետ կորածների գործերի, ազատ տեղաշարժի և արտասահման մեկնելու սահմանափակումների, Covid-19 համաճարակի արձագանքման վրա: Բանակցությունների ընթացքում կրկին շեշտը դրվեց օրակարգի առանցքային հարցի վրա, որը վերաբերում է ուժի չկիրառմանը և անվտանգության միջազգային միջոցներին:

Ժնևյան բանակցությունների համանախագահները կարևորել են Էրգնեթիի միջադեպերի կանխարգելման և արձագանքման մեխանիզմի ընթացիկ աշխատանքը, այդ թվում՝ ջրօգտագործման համատեղ ամառային ջանքերը, և նշել են Գալիի դեպքերի կանխարգելման և արձագանքման մեխանիզմի պարբերական հանդիպումների անցկացման անհրաժեշտությունը: Համանախագահները ողջունել են Էնգուրի կամրջի և Սաբերիո-Փախուլանիի անցակետերի սահմանափակումների վերացումը և կոչ արել լիովին վերականգնել տեղաշարժի ազատությունը, մասնավորապես՝ Օձիսի անցակետում:

Չնայած տարբեր հումանիտար հարցերում կառուցողական ներգրավվածությանը, փախստականների հարցով քննարկում չկայացավ, քանի որ որոշ մասնակիցներ լքեցին բանակցությունները:

Համանախագահները կրկնում են իրենց կոչը բոլոր մասնակիցներին՝ ակտիվացնել ջանքերը, իրենց միջև վստահություն հաստատելու և համապարփակ անվտանգության բոլոր ասպեկտներին անդրադառնալու համար:

Մասնակիցները համաձայնեցին, որ Ժնևի միջազգային բանակցությունների հաջորդ փուլը տեղի կունենա 2021 թվականի դեկտեմբերի 7-8-ը: