Ըստ Կենտրոնական ընտրական հանձնաժողովի տվյալների, առավոտյան ժամը 10:00-ի դրությամբ ընտրողների ակտիվությունը կազմել է 7,41%, ինչը կազմում է ընդհանուր 259 273 ընտրող:

ԿԸՀ-ից ասում են, որ այս պահին տեղամասերում քվեարկությունն իրականացվում է խաղաղ միջավայրում: Ընտրողները հնարավորություն ունեն ազատորեն օգտվել իրենց սահմանադրական իրավունքից և առանց որևէ խոչընդոտի արտահայտել իրենց կամքը:

Այս պահին ամենաբարձր ակտիվությունը դիտվել է Ռաճա-Լեչխումիում՝ ակտիվությունը կազմում է 11.2%, մինչդեռ ամենացածր ակտիվությունը, 6.1%-ը Քվեմո Քարթլիում է:

Ընտրական վարչությունը կոչ է անում ներգրավված կողմերին, ընտրական սուբյեկտների ներկայացուցիչներին և դիտորդական կազմակերպություններին հետևել ընտրությունների օրը տեղամասային ընտրական հանձնաժողովների վերաբերյալ դիմումներ / բողոքներ ներկայացնելու կանոններին:

«Մասնավորապես, լիազորված անձինք տեղամասային ընտրական հանձնաժողովներին վերաբերող դիմում / բողոք պետք է ներկայացնեն տեղամասային ընտրական հանձնաժողովին՝ քվեարկության օրը: Ցանկանում ենք հիշեցնել, որ դիմումը / բողոքը Կենտրոնական ընտրական հանձնաժողով ներկայացնելու դեպքում ​​կմնա չքննված:

Ընտրական օրենսդրության համաձայն, տեղամասային ընտրական հանձնաժողովների վերաբերյալ դիմումը / բողոքը պետք է քվեարկության օրը ներկայացվի տեղամասային ընտրական հանձնաժողովին, որի որոշումը երկօրյա ժամկետում կարող է բողոքարկվել համապատասխան ընտրատարածքային հանձնաժողովում: Տեղամասային ընտրական հանձնաժողովի որոշման բողոքարկման պատճառով ընտրատարածքային հանձնաժողովի կայացրած որոշումը ԿԸՀ բողոքարկելու դեպքում դիմումը / բողոքը մնում է չքննված:

Այստեղ ես ուզում եմ հիշեցնել ընտրողներին, որ նրանք կարող են օգտվել ԿԸՀ կայքէջից – cesko.ge` ընտրողների ցուցակում սեփական և ընտանիքի անդամների տվյալները ստուգելու, ինչպես նաև տեղամասի մանրամասն հասցեն հասկանալու համար: Կարող եք նաև տեղեկատվություն ստանալ ԿԸՀ կոնտակտային կենտրոնից, որն այսօր շարունակաբար կաշխատի, հեռախոսահամարն է՝ 2 51 00 51; «Խուլ ընտրողները հնարավորություն ունեն տեսազանգերի միջոցով ժեստերի լեզվով ստանալ ցանկալի տեղեկատվություն, մինչդեռ հայ և ադրբեջանալեզու ընտրողները հնարավորություն ունեն օգտվել զանգերի կենտրոնի ծառայություններից իրենց հասկանալի լեզուներով»,- ասացին ԿԸՀ-ից:

Ինչ վերաբերում է ենթադրյալ խախտումների մասին տարածված տեղեկատվությանը, ապա, ըստ ԿԸՀ-ի, Զեստափոնիի Սաքարա գյուղում երկու թեկնածուների բախումից և ընտրատեղամասում քվեարկության դադարեցման և քվեատուփի վնասման մասին տեղեկատվությունը սխալ է:

«Սուտ է նաև, իբր Մառնեուլի 67-րդ տեղամասում խախտվել է գաղտնիության սկզբունքը, եւ կուսակցություններից մեկի ներկայացուցիչը քվեախցիկում հետեւում է բոլոր ընտրողներին եւ ստուգում նրանց նշված քվեաթերթիկները:

Թերություններ են արձանագրվել նաև քվեաթերթիկների վերաբերյալ: Մասնավորապես, Կրծանիսի ընտրատարածքի 18-րդ, 24-րդ եւ 32-րդ ընտրատեղամասերում քվեաթերթիկը մեծ է եղել եւ չի կարող տեղավորվել հատուկ սարքի մեջ: Հետևաբար, այս երկու տեղամասերում քվեարկության գործընթացը շարունակվեց սովորական ռեժիմով՝ առանց էլեկտրոնային սարքերի օգտագործման:

Վակեի ընտրատարածքի 4-րդ տեղամասի քվեաթերթիկների մասով թերություն է արձանագրվել: Ընտրատարածքային հանձնաժողովը կքննարկի և կփոխարինի նշված տեղամասում առկա թերի քվեաթերթիկները:

Հաղորդվում է նաև, որ Զուգդիդիում ընտրական սուբյեկտների ներկայացուցիչները խոչընդոտում են «Edison Research»-ի հետազոտողներին՝ հետազոտություն անել: Մենք կոչ ենք անում ներգրավված կողմերին չխոչընդոտել հարցման անցկացմանը և նպաստել ընտրական գործընթացի խաղաղ միջավայրում անցկացմանը:

Ինչ վերաբերում է խորհրդարանի խոսնակի ընտրական խորհրդանիշներով տեղամաս մտնելուն, ապա ընտրատարածքային հանձնաժողովի նախագահը գործում է օրենքին համապատասխան: Ընտրատեղամասում խախտվել է քարոզչության կարգը: