Գորիի մունիցիպալիտետի Զեղդուլեթի գյուղում հանրահավաքը վերսկսվել է։ Տեղացիները պահանջում են գյուղին վերադարձնել արոտավայրերը, որոնք, ըստ նրանց, օտարվել են 2008 թվականին: Բնակչությունը տեղում կազմակերպել էր նաև ներկայացում։ Վիճելի հողամասի վրա տեղադրվել է 2008 թվականի պատերազմի ժամանակ զոհված զինվորների լուսանկարներով պաստառ, իսկ վայրը խորհրդանշական կերպով անվանակոչվել է պատերազմում զոհված հերոսների անունով։

Խոսքը 75 հա հողատարածքի մասին է, որից, ինչպես հայտնի է, 50 հեկտարը մասնավոր է, իսկ 25-ը՝ պատկանում է «Ֆուդլենդ» ՍՊԸ-ին։

Տեղեկացնենք, որ Զեղդուլեթի գյուղում հողերի օտարման հետ կապված բազմիցս բողոքի ցույց է տեղի ունեցել։ Բնակիչները մի քանի անգամ հանդիպումներ են ունեցել տեղական ինքնակառավարման մարմինների ներկայացուցիչների հետ, սակայն ապարդյուն: Բողոքի ակցիայի մասնակիցները չեն համաձայնվել առաջարկին, ըստ որի գյուղին կվերադարձվի 25 հա հողատարածք։ Բողոքի ակցիաներից մեկի ժամանակ բնակիչները փորձել են փակել մայրուղին, ինչի հետևանքով առերեսվել են իրավապահների հետ: