Զբոսաշրջության ազգային վարչությունը հրապարակել է սեպտեմբեր ամսվա վիճակագրական տվյալները։ Գերատեսչության տվյալներով՝ 2022 թվականի սեպտեմբերին Վրաստան է այցելել 636 235 միջազգային ճանապարհորդ, 2021 թվականի սեպտեմբերի համեմատ աճը կազմել է +157,5 տոկոս, իսկ 2019 թվականի նույն ժամանակահատվածի համեմատ միջազգային ճանապարհորդների թիվն աճել է 69,4 տոկոսով։

Զբոսաշրջության վարչության տեղեկատվության համաձայն, զբոսաշրջային այցելությունների վերականգնման դինամիկան զգալիորեն աճել է ինչպես սեպտեմբերին, այնպես էլ ընթացիկ տարվա ինն ամիսներին։

«2022 թվականի սեպտեմբերին Վրաստան է տեղի ունեցել 452 155 միջազգային զբոսաշրջային այցելություն։ 2021 թվականի նույն ժամանակահատվածի համեմատ աճը +115,7 տոկոս է։ 2019 թվականի նույն ժամանակահատվածի համեմատ միջազգային զբոսաշրջային այցելությունների 83.8 տոկոսը վերականգնվել է։

2022 թվականի հունվար-սեպտեմբեր ամիսներին այցելել է 3 892 605 միջազգային ճանապարհորդ։ 2021 թվականի նույն ժամանակահատվածի համեմատ աճը +199,1 տոկոս է։ 2019 թվականի ինն ամիսների տվյալների համեմատ՝ միջազգային ճանապարհորդների այցելությունների վերականգնման ցուցանիշը կազմում է 53,8 տոկոս։

2022 թվականի ինն ամսում Վրաստան է իրականացվել 2 704 133 միջազգային զբոսաշրջային այցելություն։ 2021 թվականի հունվար-սեպտեմբերի համեմատ աճը կազմում է +147,5 տոկոս։ 2019 թվականի նույն ժամանակահատվածի համեմատ միջազգային զբոսաշրջային այցելությունների վերականգնման ցուցանիշը կազմում է 67,8 տոկոս»,- ասված է Զբոսաշրջության ազգային վարչությունում։

Գերատեսչությունը նշում է, որ միջազգային ճանապարհորդների և միջազգային զբոսաշրջային այցելությունների թիվը հաշվարկվում է Զբոսաշրջության համաշխարհային կազմակերպության առաջարկությամբ մշակված մեթոդաբանության համաձայն և ներառում է արդեն կատարված և ավարտված այցելությունները։