Զբոսաշրջության ազգային վարչությունը հրապարակել է հունիս ամսվա վիճակագրական տվյալները։

«Այս տարվա հունիսին Վրաստան է այցելել 445 894 միջազգային ճանապարհորդ, 2021 թվականի հունիսի համեմատ աճը կազմում է +185,5%, միջազգային ճանապարհորդների վերականգնման ցուցանիշը 2019 թվականի տվյալների համեմատ կազմում է 51%։

Հունիսին միջազգային զբոսաշրջային այցելությունների թիվը կազմել է 302602, ինչը նախորդ տարվա նույն ժամանակահատվածի համեմատ ավել է +126,7%-ով, իսկ 2019 թվականի հունիսի տվյալների համեմատ զբոսաշրջային այցելությունները վերականգնվել են 64,1%-ով։

Զբոսաշրջության ազգային վարչության տվյալներով՝ 2022 թվականի հունվար-հունիսին Վրաստան է այցելել 1,625,928 միջազգային ճանապարհորդ, 2021 թվականի 6 ամիսների համեմատ աճը կազմում է +234,5%, իսկ վերականգնումը 2019 թվականի նույն ժամանակահատվածի համեմատ՝ 42,1%։ 2022 թվականի վեց ամիսներին միջազգային զբոսաշրջային այցելությունների թիվը կազմել է 1 209 272, ինչը նախորդ տարվա նույն ժամանակահատվածի համեմատ ավել է +186,3%-ով, իսկ 2019 թվականի տվյալների համեմատ զբոսաշրջային այցելությունները վերականգնվել են 56,8%-ով։