Զբոսաշրջության ազգային վարչությունը հրապարակում է հունվար-հունիս ամիսների միջազգային ճանապարհորդների վիճակագրական տվյալները։ Վարչակազմի մամուլի ծառայության տվյալներով՝ առաջին և երկրորդ եռամսյակներում Վրաստան է այցելել 2 մլն 860 հազար 117 միջազգային զբոսաշրջիկ, ինչը համաճարակին նախորդող ժամանակահատվածի տվյալների 74 տոկոսով վերականգնում է։ 2022 թվականի նույն ժամանակահատվածի համեմատ աճը կազմում է +75,9%։

«Վեց ամսում հանրապետությունում տեղի է ունեցել 1 930 483 միջազգային զբոսաշրջային այցելություն, ինչը 2019 թվականի տվյալների 90,8 տոկոսով վերականգնում է, իսկ 2022 թվականի համեմատ աճը կազմում է +59,6 տոկոս։

2023 թվականի II եռամսյակի դրությամբ Վրաստան է այցելել 1 651 655 միջազգային ճանապարհորդ, ինչը նախահամաճարակային տվյալների 73,6%-ով վերականգնում է, իսկ 2022 թվականի համեմատ աճը կազմում է +57,4%։

2023 թվականի ապրիլ-հունիս ամիսներին Վրաստանում տեղի է ունեցել 1 085 151 միջազգային զբոսաշրջային այցելություն, ինչը 2019 թվականի տվյալների 87,2%-ով վերականգնում է, իսկ 2022 թվականի համեմատ աճը կազմում է +44,8%։

Միջազգային ճանապարհորդների և միջազգային զբոսաշրջային այցելությունների թիվը հաշվարկվում է Զբոսաշրջության համաշխարհային կազմակերպության առաջարկությամբ մշակված մեթոդաբանության համաձայն և ներառում է արդեն կատարված և ավարտված այցելությունները»,- նշված է Զբոսաշրջության ազգային վարչության հաղորդագրության մեջ։