2022 թվականի հունվար-նոյեմբեր ամիսներին ճանապարհորդությունից ստացված եկամուտը գերազանցել է 2019 թվականի ցուցանիշը և գրանցվել է ռեկորդային ցուցանիշ՝ 3 159 558 975 ԱՄՆ դոլար,- տեղեկությունը տարածում է Զբոսաշրջության ազգային վարչությունը։

Գերատեսչության տվյալներով՝ այս ցուցանիշը 2019 թվականի համանման ցուցանիշի 103,5 տոկոսով վերականգնում է (աճը՝ +108,134,426 ԱՄՆ դոլար)։

«2021 թվականի հունվար-նոյեմբերի համեմատ ճանապարհորդության եկամուտներն աճել են +2,040,668,275 (+182,4%) ԱՄՆ դոլարով։

2022 թվականի նոյեմբեր ամսին ճանապարհորդության հասույթը գերազանցել է 2019-ը և հասել 305,029,882 ԱՄՆ դոլարի, ինչը 151,2% վերականգնում է 2019 թվականի համանման ցուցանիշից, իսկ 2021 թվականի նոյեմբերի համեմատ ճանապարհորդական եկամուտներն աճել են +194,075,877 (+174,9%) ԱՄՆ դոլարով»,- նշվում է տեղեկատվության մեջ։