2021 թվականին Վրաստանում միջազգային զբոսաշրջության վերականգնումն արագ է ընթացել ինչպես եկամուտների, այնպես էլ ճանապարհորդությունների առումով,- ասվում է Զբոսաշրջության ազգային վարչության տարածած հայտարարության մեջ։

Դրա համաձայն՝ Վրաստանը 2021 թվականին միջազգային ճանապարհորդներից ստացել է 1 244 941 717 միլիարդ դոլար։

«Միջազգային զբոսաշրջությունից եկամուտների վերականգնման դինամիկան, 2019 թվականի համեմատ, ամեն ամիս արագ տեմպերով է ընթանում՝ 2021 թվականին եկամուտների 38 տոկոսը կվերականգնվի։ Ինչ վերաբերում է դեկտեմբերին, ապա վերականգնման ցուցանիշը կազմել է 58 տոկոս։ 2020 թվականի համեմատ եկամուտների աճը կգերազանցի 130 տոկոսը։

2021 թվականին Վրաստանում միջազգային ճանապարհորդների թիվը կազմել է 1 881 271։ Վերականգնման մակարդակը 2019 թվականի տվյալների համեմատ կազմում է 20 տոկոս։ 2020 թվականի համեմատ միջազգային ճանապարհորդների թիվն աճել է 7,7 տոկոսով։

2021 թվականի 12 ամսում Վրաստան է կատարվել է 1 577 463 միջազգային զբոսաշրջային այցելություն։ 2019 թվականի տվյալների համեմատ՝ զբոսաշրջային այցելությունների 31 տոկոսը վերականգնվել է։ 2020 թվականի համեմատ աճը կազմում է 45,1 տոկոս։

2021 թվականին միջազգային այցելուների այցերի մեծ մասը տեղի է ունեցել օդային ճանապարհով։ Մասնավորապես, այցելությունների 51 տոկոսը կատարվել է Վրաստանի միջազգային օդանավակայաններով։ Վերականգնումը 2019 թվականի համեմատ կազմել է 48 տոկոս»,- ասված է Զբոսաշրջության ազգային վարչության տեղեկատվության մեջ։