Զազա Սարալիձեի լրատվությամբ, Թբիլիսիի քաղաքային դատարանից ազատ են արձակվել այսօր ձերբակալված անձինք
Խորավայի փողոցում սպանված անչափահասներից մեկի հոր, Զազա Սարալիձեի լրատվությամբ, Թբիլիսիի քաղաքային դատարանից ազատ են արձակվել, քաղաքային դատարանի մոտ ցույցի ժամանակ ձերբակալված անձինք:
Այս մասին Զազա Սարալիձեն հայտարարել է դատախազության մոտ տեղի ունեցող ցույցի ժամանակ:
«Գիորգի Գախարիան բաց է թողել իմ ընկերներին: Նա ստիպված էր բաց թողել նրանց: Անօրեն կերպով ձերբակալել էին և սահմանափակել նրանց ազատությունը»,-հայտարարել է Զազա Սարալիձեն:
Խորավայի փողոցում անչափահասների սպանության գործով վճռի հայտարարելուն հետևել է աղմուկ: Դատարանի մոտ ձերբակալել են մի քանի մարդու:
Թբիլիսիի քաղաքային դատարանը այսօր կայացրել է մեղադրական դատավճիռ, Խորավայի փողոցում տեղի ունեցած անչափահասների սպանության գործով մեղադրյալ երկու անձի նկատմամբ: Կոնկրետ, մեղադրյալի նախնական գիտակցմամբ, անչափահասի կանխամտածված սպանության և սպանության փորձի համար, դատարանը անչափահաս մեղադրյալներին ճանաչել է մեղավոր: Դատարանի մեղադրական դատավճռով, Գ. Բ.-ն մեղավոր է ճանաչվել ծանր պայմաններում, նախնական գիտակցմամբ անչափահաս Լևան Դադունաշվիլիի կանխամտածված սպանության մեջ, իսկ Գ. Ջ.-ն մեղավոր է ճանաչվել, ծանր պայմաններում, նախնական գիտակցմամբ անչափահաս Դավիթ Սարալիձեին կանխամտածված սպանության փորձի մեջ: Նույն դատավճռով, ներկայացված մեղադրանքում Գ. Բ.-ն, Գ. Ջ.-ի հետ միասին անմեղ է ճանաչվել Դավիթ Սարալիձեի խմբակային սպանության մեջ, իսկ Գ. Ջ.-ի կողմից իրականացրած հանցանքը վերաորակավորվել է, որպես Դավիթ Սարալիձեի սպանության փորձ ծանրացված պայմաններում:
Տուժածների մերձավորները չեն համաձայնում դատարանի որոշման հետ: Որոշումը կայացնելուց հետո Խորավայի փողոցում սպանված անչափահասի հայրը, Զազա Սարալիձեն մերձավորների հետ միասին գնացել է գլխավոր դատախազության մոտ, որտեղ անց է կացնում բողոքի ցույց: