«Զարգացման և ժողովրդավարության կենտրոնը» (CDD) տեղի և միջազգային դիտորդների գործընկերությամբ, առաջին համատեղ դիտորդական առաքելությամբ կդիտորդի 2020 թվականի խորհրդարանական ընտրությունները:

Մոնիտորների խումբը համալրված է «CDD»-ի և գերմանական «Ժողովրդավարության, մեդիայի և մշակութայի փոխանակման ինստիտուտի» (IDEM) դիտորդներով:

Չնայած համավարակին, միջազգային դիտորդական առաքելությունը երկրի մասշտաբով 10 շրջաններում 100 հոգուց բաղկացած բջջային խմբի միջոցով կդիտորդի ընտրությունների գործընթացը: Միջազգային դիտորդական առաքելությունը քվեարկության օրը կդիտորդի նաև արտասահմանում Վրաստանի քաղաքացիների համար ստեղծված ընտրատեղամասերը: Ընտրությունների ավարտից հետո դիտորդական առաքելությունը կներկայացնի հաշվետվություն, որը ներառում է ամբողջ ընտրական ժամանակաշրջանը – նախընտրական, ընտրությունների օրվա և ընտրությունների հետագա ժամանակահատվածը:

Այսօր տեղի և միջազգային դիտորդները ստորագրել են համատեղ հուշագիր, որը ներառում է առաքելության վարվելաձևի օրենսգիրքը:

«Կարևոր է, դիտորդենք Վրաստանի ընտրությունները՝ ի նշան վրացիների և Վրաստանի քաղաքացիական հասարակության աջակցության: Սա վրացական քաղաքական գործընթացների և նոր սահմանադրության համար կարևոր ընտրություններ է:

Կարծում եմ, կարևոր է նաև որոշ սկզբունքների դրսևորումը, որը մենք անում ենք, օրինակ, որ պրոֆեսիոնալ ենք, անաչառ, չենք միջամտում գործընթացին, հաշվի ենք առնում օրենքի գերագույնությունը և ազգային օրենսդրությունը, ինչպես նաև միջազգային սկզբունքները»,- լրագրողներին հայտնել է «IDEM»-ի միջազգային դիտորդ Սինտիա Շմիտե-Տիլիկը: