Ներկայիս իրավիճակի համար պատասխանատու է ոչ միայն Տիկարաձեն, այլև իշխանությունը, այդ թվում՝ վարչապետը,- ասել է «Միացյալ ազգային շարժման» խոսնակ Զաալ Ուդումաշվիլին՝ գնահատելով առողջապահության նախարար Էկատերինե Տիկարաձեի հրաժարականը։

«Դժվար է հասկանալ, թե ինչ էր կատարվում իշխող թիմի կուլիսներում, եւ ինչու Էկատերինե Տիկարաձեն հրաժարական տվեց, բայց փաստն այն է, որ երկար ժամանակ առճակատում է եղել «Վրացական երազանքի» տարբեր թեւերի միջեւ։

Խոսակցություններ կային, որ Տիկարաձեի և Ղարիբաշվիլիի միջև լավ հարաբերություններ չեն եղել, ուստի ավելի լավ է հենց իրենք խոսեն պատճառների մասին։ Փաստն այն է, որ երկրում կովիդ իրավիճակն ամենածանրն է, հետեւանքները նույնպես շատ ծանր են։

Իշխանությունը համաճարակի ժամանակ գործում է իրենց քաղաքական նպատակահարմարության համար, այլ ոչ թե համաճարակի ավելի լավ վերահսկողության համար։ Ստեղծված իրավիճակի համար պատասխանատու է ոչ միայն Տիկարաձեն, այլև իշխանությունը, այդ թվում՝ վարչապետը»,- ասել է Զաալ Ուդումաշվիլին։