Արտակարգ իրավիճակների ծառայության զարգացմանը դարձվում է մեծ ուշադրություն, մենք մեծացրել ենք գերատեսչության բյուջեն և մինչև 2020 թվականը Թբիլիսին կոմպլեքտավորվելու է նոր հրշեջփրկարարական մեքենաներով,-այս մասին վարչապետ Մամուկա Բախտաձեն, հայտարարել է փրկարարական ծառայության անձնակազմի հետ հանդիպման ժամանակ, որը այսօր տեղի է ունեցել կառավարության գրասենյակում:

Վարչապետի մամուլի ծառայության լրատվությամբ, կառավարության ղեկավարի կարգադրության համաձայն, մինչև 2022 թվականը ծառայությունը Վրաստանի ողջ մասշտաբով պետք է ունենա նորացված նյութա-տեխնիկական բազա և նոր տեխնիկա:

Մամուկա Բախտաձեն առանձնահատուկ շնորհակալություն է հայտնել Փոնիճալայում տեղի ունեցած ողբերգության վայրում փրկարարական աշխատանքներին մասնակից փրկարարներին և մեկ անգամ ևս ցավակցել է զոհվածների հարազատներին:

Հանդիպմանը ներկա էր արտակարգ իրավիճակների կառավարման ծառայության ղեկավարի պաշտոնակատար Շալվա Խուցիշվիլին: