Վրաստանում քաղաքական խմբերի միջև բևեռացումն ուժեղ է, իշխող մեծամասնությունը պետք է փորձի լուծել այդ խնդիրը, օրինակ կարող է լինել նախկին նախագահի բանտից ազատումը,- ասել է Եվրախորհրդարանի պատգամավոր Յոզաս Օլեկասը ԵՄ-Վրաստան խորհրդարանական ասոցացման հանձնաժողովի 12-րդ նիստում։

«Այստեղ կան Վրաստանի իրական բարեկամներ, և մենք Վրաստանին մաղթում ենք հաջողություն։ Երբ տեսնում ենք, թե ինչ է արել Վրաստանն այս գրքում, լավ գիրք է, շնորհավորում եմ, բայց մի քիչ նման է վարդագույն ակնոցների միջով նայելուն: Իմ կարծիքով, շատ կարևոր է, որ մենք լսենք միմյանց։ Եկեք ոչ միայն խոսենք ձեր ձեռք բերածի մասին, այլև քննարկենք այս 12 կետերը իրականացնելու խնդիրները: Մենք Եվրախորհրդարանում վճռականորեն պաշտպանում ենք Վրաստանի դիրքորոշումը՝ թեկնածուի կարգավիճակ ստանալու վերաբերյալ, բայց պետք չէ բյուրոկրատական ​​ձևով ասել, որ հանձնաժողովի և աշխատանքային խմբի հանդիպումները կազմակերպվել են։ Կարծում եմ՝ մենք չենք զգացել այս իրավիճակի ընկալումը, իրական փոփոխությունները։ Բևեռացումը շատ ուժեղ է քաղաքական խմբերի միջև, և դուք՝ իշխող կուսակցությունն ու իշխող մեծամասնությունը, պետք է փորձեք լուծել այս խնդիրը։ Օրինակներից մեկը կարող է լինել նախկին նախագահի ազատ արձակումը բանտից: Մենք բոլորս խոսում ենք բանտարկյալների համար լավ հնարավորությունների մասին ոչ միայն Վրաստանում, այլ նաև այլ երկրներում»,- ասաց Եվրախորհրդարանի պատգամավոր Յոզաս Օլեկասը։