Եվս մեկ երկրաշարժ է տեղի ունեցել Աֆղանստանում, ավելի քան 100 մարդ տուժել է

11:31, 11.10.2023

Լրատվամիջոցների տվյալներով՝ Աֆղանստանի Հերատ քաղաքից 28 կիլոմետր դեպի հյուսիս 6,3 մագնիտուդ ուժգնությամբ երկրաշարժ է տեղի ունեցել։ Երկրաշարժը տեղի է ունեցել տեղական ժամանակով 05:10-ին։

Ինչպես գրում է «BBC»-ն՝ հիմնվելով առողջապահության ներկայացուցիչների վրա, երկրաշարժի հետևանքով ավելի քան 100 մարդ տուժել է և տեղափոխվել հիվանդանոց։ Մահացածների մասին տեղեկություն դեռևս չի հաղորդվում։

Հիշեցնենք, որ հոկտեմբերի 8-ին Աֆղանստանի Հերաթ քաղաքից մոտավորապես 40 կիլոմետր հեռավորության վրա տեղի ունեցած երկրաշարժի հետևանքով զոհվել է առնվազն 2400 մարդ, վիրավորվել՝ ավելի քան 2000-ը։

Հեղինակ - Anna Badalian

Միջազգային