Վրաստանի ֆուտբոլի հավաքականն առաջին հանդիպումն է անցկացնում Եվրոպայի առաջնությունում։ Նրա հակառակորդը Թուրքիան է։ Առաջին խաղակեսից հետո հաշիվը 1:1 է։

Դորտմունդի «BVB Arena»-ն գրեթե լեփ-լեցուն է։ Գերմանիայում շատ վրացի երկրպագուներ կան, բայց մարզադաշտում շատ ավելի շատ թուրք երկրպագուներ են։

25-րդ րոպե. Անվանական հյուրընկալող Թուրքիայի հավաքականի մեկնարկային ակտիվությունն արդյունք տվեց։ Մուլդուրի արդյունավետ հարվածից հետո հաշիվը բացվեց՝ 1:0։

Մի քանի րոպեից թուրքերը խփեցին երկրորդ գոլը, սակայն տեսանկարահանումից հետո արգենտինացի մրցավարը չեղարկեց գոլը։

32-րդ րոպեին Վրաստանի հավաքականը խփեց իր առաջին գոլը Եվրոպայի առաջնությունների պատմության մեջ։ Քոչորաշվիլիի եզրից փոխանցումից հետո Միքաուտաձեն ոսկերչի ճշգրտությամբ հարվածեց ու հաշիվը հավասարեցվեց՝ 1:1։