Վրաստանի Զբոսաշրջության ազգային վարչությունը հյուրընկալում է հայտնի միջազգային հրատարակությունների՝ Le Figaro-ի, The Telegraph-ի, GQ-ի, Die Presse-ի, Snow-ի, Backcountry Magazine-ի, Downdays-ի ներկայացուցիչներին: Այս մասին տեղեկությունը տարածում է Զբոսաշրջության ազգային վարչությունը։

Նրանց տվյալներով՝ մամուլի շրջագայության շրջանակներում Վրաստան են այցելել առաջատար լրագրողներ Ֆրանսիայից, Մեծ Բրիտանիայից և Ավստրիայից։

Զբոսաշրջության ազգային վարչության տվյալներով՝ լրատվամիջոցների ներկայացուցիչներն այցելել են Թբիլիսի, Քութայիսի, Պրոմեթևսի քարանձավ և Մեստիա։ Լրագրողները լուսաբանել են Freeride համաշխարհային շրջագայությունը Մեստիայում։

«Առաջին անգամ եմ Վրաստանում, ապշած եմ տեսարաններով։ Մարդիկ շատ բարեհամբույր են, ձյունը լավագույն որակի է, ճոպանուղին արագ է, ես զարմանալի փորձ ունեցա Սվանեթիում։ Պատրաստում եմ հոդված «Հեշտ արկածային» վերնագրով, քանի որ այստեղ ամեն ինչ հասանելի է։ Նույնիսկ փոքր խանութներում, երբ ինչ-որ բանի կարիք ունես, բոլորը պատրաստ են օգնել քեզ։ Վրաստանն ապագան է»,- ասում է Le Figaro-ի լրագրող Մեթյու Ռոսը։

Բացի այդ, ինչպես նշել է Die Presse-ի ներկայացուցիչ Ջոզեֆ Իբներին, Վրաստանում դահուկավազքի զարմանալի պայմաններ կան։

«Մենք հնարավորություն ունեցանք հետևելու ֆրիռայդերների խմբին և ստացանք մի քանի լավ տպավորություններ։ Սվանեթին ունի շատ ընկերասեր մարդիկ, զարգանում է լեռնային հանգստավայրը, իսկապես զարմանալի պայմաններ կան դահուկավազքի համար, և կարծում եմ, որ այն զբոսաշրջության վայր է, որը հայտնի կդառնա»,- ասաց Ջոզեֆ Իբները։

Շրջագայությանը մասնակցող լուսանկարիչ Դոմ Դահերի խոսքով՝ Վրաստան կատարած իր ճանապարհորդության ժամանակ նա լուսանկարել է էքստրեմալ մրցակցություն և լեռներ։

«Ես երկրորդ անգամ եմ Վրաստանում։ Մի կողմից լուսանկարել եմ էքստրեմալ մրցակցություն ու սարեր, որոնց համար շրջում եմ աշխարհով մեկ ու լուսանկարվում, մյուս կողմից մշակութային մասը շատ հետաքրքիր էր։ Ես աշխատում եմ շվեյցարական FWT – Freeride World Tour ընկերությունում, որը կազմակերպում է ֆրիռայդ համաշխարհային տուրեր։ Փուլերից մեկն անցկացվել է Սվանեթիում, ֆրիռայդի հաջորդ փուլերը կկազմակերպվեն Ավստրիայում և Շվեյցարիայում»,- ասաց շրջագայության մասնակից լուսանկարիչ Դոմ Դահերին։