Եվրոպական հանձնաժողովը դատապարտում է Թիերի Բրետոնի և չորս այլ եվրոպացիների նկատմամբ ԱՄՆ պատժամիջոցները. «Մենք պատրաստ ենք վճռական պատասխանի՝ մեր կարգավորիչ ինքնավարությունը չարդարացված միջոցառումներից պաշտպանելու համար»
Եվրահանձնաժողովը արձագանքել է ԱՄՆ-ի կողմից Եվրահանձնաժողովի նախկին անդամ Թիերի Բրետոնի և ևս չորս եվրոպացիների նկատմամբ սահմանված վիզային սահմանափակումներին։
Ինչպես նշվում է Եվրահանձնաժողովի հայտարարությունում, Եվրոպական միությունը բաց, կանոնների վրա հիմնված միասնական շուկա է՝ ինքնիշխան իրավունքով՝ տնտեսական գործունեությունը կարգավորելու ժողովրդավարական արժեքներին համապատասխան։
«Խոսքի ազատությունը Եվրոպայում հիմնարար իրավունք է և ընդհանուր արժեք է Միացյալ Նահանգների հետ միասին ողջ ժողովրդավարական աշխարհում։ Եվրոպական միությունը բաց, կանոնների վրա հիմնված միասնական շուկա է՝ ինքնիշխան իրավունքով՝ տնտեսական գործունեությունը կարգավորելու մեր ժողովրդավարական արժեքներին և միջազգային պարտավորություններին համապատասխան։ Մեր թվային կանոնները ապահովում են անվտանգ, արդար և հավասար պայմաններ բոլոր ընկերությունների համար՝ կիրառվելով արդարացիորեն և առանց խտրականության։ Մենք ԱՄՆ-ի իշխանություններից պահանջել ենք պարզաբանումներ։ Անհրաժեշտության դեպքում պատրաստ ենք արագ և վճռական արձագանքի՝ մեր կարգավորող ինքնավարությունը անհիմն միջոցներից պաշտպանելու համար», – ասված է հայտարարությունում։
Տեղեկատվության համար նշվում է, որ Պետդեպարտամենտը արգելել է ԱՄՆ մուտքը հինգ անձանց, որոնք ամերիկյան առցանց հարթակներում զբաղվել են նյութերի գրաքննությամբ, որոնցից մեկը Եվրահանձնաժողովի նախկին անդամ Թիերի Բրետոնն է։
