Վրաստանի բասկետբոլի հավաքականն այս տարվա Եվրոբասկետում կանցկացնի երրորդ հանդիպումը։ Նրա մրցակիցը կլինի Թուրքիայի ազգային հավաքականը։ Հանդիպումը կմեկնարկի ժամը 21:00-ին, որի ուղիղ հեռարձակումը կներկայացնի Վրաստանի առաջին ալիքը:

Նրանք, ովքեր չեն կարողանա ներկա գտնվել հանդիպմանը, հնարավորություն կունենան մեծ էկրանին աջակցել Վրաստանի հավաքականին Ռիղեյի այգու առաջին ալիքի ֆան գոտուց, որտեղ կլինեն նաև խաղարկություններ և հետաքրքիր մարզական գործողություններ:

Առաջին տուրում Իլիաս Զուրոսի մարզած թիմը դրամատիկ խաղում 79:76 հաշվով պարտվել է Բելգիային։ Իսպանիայի դեմ երկրորդ խաղում նրանք զիջեցին 64:90 հաշվով ու մեծ հարցականի տակ դրեցին փլեյ-օֆֆի հարցը։ Վեց թիմից բաղկացած խմբից լավագույն քառյակը դուրս կգա հաջորդ փուլ, դեռ ոչինչ կորած չէ, բայց Վրաստանի հավաքականին հաջողության հասնելու համար անհրաժեշտ է ուժերի առավելագույն մոբիլիզացիա։

Վրաստան

Գոգա Բիթաձեն Իսպանիայի դեմ հանդիպումը սկսել է մեկնարկային հնգյակում, սակայն երբ նրան փոխարինել է մարզիչ Իլիաս Զուրոսը, նրան այլևս հրապարակ չի թողել։

«Վաղը մենք հանդիպում ենք շատ ուժեղ ու տաղանդավոր թիմի։ Թուրքիան նույնպես շատ լավ մարզիչ ունի՝ Էրգին Աթամանի տեսքով։ Չգիտենք՝ Գոգան կխաղա՞, թե՞ ոչ։ Նրա վիճակը կգնահատենք խաղից առաջ»,- այսպիսի մեկնաբանություն է արել Իլիաս Զուրոսը Թուրքիայի դեմ խաղից առաջ։

Թուրքիա

Օգոստոսի վերջին մենք խաղացինք Թուրքիայի հավաքականի հետ Ակրոպոլիսի գավաթի խաղարկությունում, սակայն պարտվեցինք։ Մրցակիցը արագ բասկետբոլ էր խաղում, բարձր տոկոսային ճշգրտությամբ երեք միավոր հարվածներ էր կատարում ու դրա հաշվին հաղթեց։

Մեր հավաքականի մարզիչը քաջատեղյակ է մրցակցի հնարավորություններին, և հուսով ենք, որ նա կգտնի համապատասխան մարտավարություն՝ կանգնեցնելու Թուրքիայի հավաքականին։