Եվրոպայի առաջնության երկրորդ տուրում A խմբի առաջատարն ու մրցաշարի հյուրընկալող Գերմանիան ուժերը չափեց Հունգարիայի ընտրանու հետ։ Հանդիպումն անցավ տանտերերի առավելությամբ, և երկրորդ հաղթանակով (2:0) Գերմանիան խմբում արդեն 6 միավոր է հավաքել։

Գերմանիան և Հունգարիան առաջին անգամ մեծ մրցաշարում հանդիպել են 1954 թվականի աշխարհի առաջնությունում։ Առաջին խաղում հունգարացիները հաղթել են 8:3 հաշվով: Սակայն եզրափակիչում Արեւմտյան Գերմանիայի հավաքականը հաղթեց 3:2 հաշվով եւ նվաճեց աշխարհի չեմպիոնի կոչումը։
Եվրո-2020-ի խմբային փուլում միմյանց հետ հանդիպեցին նաև Հունգարիան ու Գերմանիան, և հանդիպումն ավարտվեց 2:2 հաշվով։
Գերմանիայի և Հունգարիայի միջև վերջին երեք հանդիպումներում խոշոր մրցաշարերում (Աշխարհ + Եվրոպայի առաջնություն) (այսօրվա խաղից առաջ) խփվել է 20 գոլ (միջինը 6,7 գոլ մեկ խաղում)։

22 րոպե. Մուսիալան բացեց հաշիվը, իսկ Գերմանիան առաջին խաղակեսում առաջ անցավ հաշվի մեջ՝ 1:0:

67 րոպե. Գերմանացիները երկրորդ անգամ գրավեցին հունգարացիների դարպասը եւ էլ ավելի ամրապնդեցին իրենց առավելությունը։ Այս անգամ գոլը Գյունդոգանի հաշվին է՝ 2:0։

Գերմանիայի հավաքականը երկրորդ հաղթանակը տոնեց Եվրո-2024-ում և միանձնյա գլխավորում է A խումբը (6 միավոր), իսկ Հունգարիան երկրորդ անգամ պարտվեց և հետևաբար ունի զրո միավոր։